Կապիտալիզմի արեւմտյան մոդելին մնացել է 3-4 տարի: Սա խաղի ավարտն է: Ֆինանսական համակարգն սպանում է իրական տնտեսությունը: Նման խոստովանությամբ է մեկնարկել «Մեծ փոխակերպում. ստեղծելով նոր մեդելներ» լավատեսական խորագրով Դավոսի 42-րդ համաշխարհային տնտեսական համաժողովը (ՀՏՀ):
Վիճաբանությունն սկսվել է դեռ համաժողովի կուլուարներում:
Փոխվելու համար ազատ շուկայի արեւմտյան մոդելին մնացել է 3-4 տարի, դավոսյան հանդիպման սկզբում հայտարարել է Carlyle ներդրումային հիմնադրամի կառավարաիչ Դեյվիդ Ռուբինշտեյնը: «Եթե չփոխվենք` ապա շուտով տանուլ կտանք»,-ասել է նա` նկատի ունենալով զարգացող երկրների հետ մրցակցությունը, քանի որ պետությունը տնտեսական այդ համակարգերում ավելի նկատելի դեր ունի, քան Արեւմուտքում եւ Արեւմտյան Եվրոպայում:
«Կապիտալիզի համար, որի պայմաններում մենք ապրում ենք եւ որը համարում ենք աշխարհում կապիտալիզմի տեսակներից լավագույնը, դա կլինի խաղի ավարտը»,- ասել է Ռուիբինշտեյնը:
Դավոսյան ծրագրի պաշտոնական մեկնարկը կկայանա երեւանյան ժամանակով ժամը 20.00-ին: Ժամը 20.30-ին ակնկալվում է Գերմանիայի կանցլեր Անգելա Մերկելի ելույթը:
Ինչպես հաղորդում է «ՌԻԱ Նովոստին», աշխարհի առաջատար երկրների տնտեսական քաղաքականության դեմ հանդես եկող միջազգային շարժումների ներկայացուցիչները բողոքի ակցիա են կազմակերպել Դավոսում: Ցուցարարները հանդես են հալիս «Գրավիր ՀՏՀ-ն» կարգախոսով: