Ադրբեջանը Եվրամիությանը կոչ է արել ղարաբաղյան հակամարտությանը լուծում գտնել: Այս մասին տեղեկացնում է «Վատիկանի ռադիոն»:
Գրեթե մեկ ամիս առաջ Հայաստանի եւ Ադրբեջանի նախագահները Ռուսաստանի նախագահի մասնակցությամբ հանդիպմանը պատրաստակամություն են հայտնել արագացնել վիճելի տարածքի վերաբերյալ համաձայնության գալու գործընթացը:
«Երկուսն էլ տարբեր ժամանակ համաձայնության են եկել այն հարցում, թե ինչպիսին կլինի հակամարտության կարգավորման հիմնական ուրվագիծը », – ասել է Միջազգային ճգնաժամային խմբի Կովկասի հարցերով փորձագետ եւ վերլուծաբան Լորենս Շիթսը:
«Դա անհավանական է, քանի որ հիմնական շրջանակները` հիմնական հարցերը, որոնց շուրջ կողմերը, երեւում է, համաձայնության են եկել, հարաբերական ընդհանրություն ունեն: Բայց երբ սկսում ես քննարկել առավել մանր հարցերը, որոնք քաղաքական առումով պայթյունավտանգ են կամ վտանգավոր են վարչակազմի համար… ապա ամեն ինչ խիստ բարդանում է»,- ասել է նա «Վատիկանի ռադիոյին»:
