Թուրքիայի գլխավոր ընդդիմադիր «Ժողովրդա-հանրապետական» (CHP) կուսակցությունը դիմել է Սահմանադրական դատարան՝ վիճարկելու Թուրքիայի նախագահ Աբդուլլահ Գյուլի պաշտոնավարության վերաբերյալ ընդունված օրինագիծը։

Թուրքիայի խորհրդարանի Սահմանադրական հանձանաժողովը հունվարի 10-ին տեղի ունեցած նիստում որոշում է կայացրել, որ ներկայիս նախագահ Աբդուլլահ Գյուլը կպաշտոնավարի 7 տարի եւ այլեւս չի կարող վերընտրվել։ Այնուհետ օրինագիծն ընդունվել է խորհրդարանի կողմից։

«Ժողովրդա-հանրապետական» կուսակցությունը պնդում է, որ Գյուլի՝ 7 տարի պաշտոնավարումը հակասահմանադրական է։