Սեւ-սպիտակ «Արտիստը» ֆիլմը եւս մեկ քայլ է կատարել դեպի ցանկալի Օսկար` միանգամից ֆրանսիական 6 «Սեզար» է ավելացել ֆիլմի գանձարանում, որն արդեն լի է բոլոր հնարավոր կինոմրցանակներով` ներառյալ շների «Ոսկե վզկապը»:
Միշել Խազանովիչուսի խումբը հաղթել է «լավագույն ֆիլմ», «կնոջ լավագույն դեր», «լավագույն ռեժիսորական աշխատանք», «լավագույն ինքնատիպ երաժշտություն», «լավագույն լուսանկար» եւ «լավագույն դեկորացիաներ» անվանակարգերում:
Սակայն տղամարդու գլխավոր դերակատար Ժան Դյուժարդենն այս անգամ առանց մրցանակի մնաց, «տղամարդու լավագույն դեր» անվանակարգում նրանիս առաջ անցավ ֆրանսիական հասարակության կուռք 34-ամյա Օմար Սին, որը մրցանակ ստացավ Էրիկ Թոլեդանի եւ Օլիվյե Նակաշի «Անձեռնմխելիները» ֆիլմի դերակատարման համար: Այդ դրամատիկական կատակերգությունը ներկայացվել էր 13 անվանակարգերում, սակայն ստացել է միայն մեկ արձանիկ:
«Սեզարը» հանձնվում է ամեն տարի կինոարվեստի շուրջ 4 հազար մասնագետների որոշմամբ, արարողությունը տեղի է ունենում փարիզյան «Շաթլե» երաժշտական թատրոնում, գրում է «Ռոսիյսկայա գազետան»: