Լիբիայում մարդու իրավունքների խախտումներով եւ ռազմական հետաքննություններով զբաղվող ՄԱԿ-ի հանձնաժողովին Մուամար Քադաֆիի սպանության վերաբերյալ չի հաջողվել ոչ մի նոր բան պարզել:
Հանձնաժողովի զեկույցում ասվում է, որ Քադաֆին եւ նրա որդի Մատոսիմը գերի են վերցվել Միսրատա քաղաքի գրոհայինների կողմից 2011թ. հոկտեմբերի 20-ին եւ որոշ ժամանակ անց նրանց «մահացած են գտել»:
«Հանձնաժողովն ի վիճակի չէ հաստատել, թե Քադաֆիի մահն անօրինական սպանության արդյունք է եւ խնդրում է թույլ տալ ավարտել հետաքննությունը»,-ասված է փաստաթղթում:
Հանձնաժողովը նաեւ հայտնում է, որ Լիբիայի ներկայիս իշխանությունները հրաժարվել են հանձնաժողովին տրամադրել Քադաֆիի մարմնի դիահերձման արդյունքները եւ լուսանկարներ սպանության վայրից: