Վեստա հսկա աստերոիդը շատ հատկանիշներ ունի, որոնք բնորոշ են Երկրի նման մոլորակներին: Նման եզրահանգման են եկել հետազոտողներն` ուսումնասիրելով ամերիկյան Dawn զոնդից ստացված նոր տվյալները:
NASA-ի զեկույցում նշվում է, որ մինչ այժմ Վեստան պարզապես համարվում էր Արեւային համակարգի խոշոր աստերոիդներից:
Վեստան համարվում է մեծությամբ երկրորդ աստերոիդը եւ ունի 530 կմ տրամագիծ: Մանրամասնորեն ուսումնասիրելով նրա մակերեւույթը` գիտականները եկել են այն եզրահանգման, որ այն պատկանում է երկնային մարմինների անցումային տեսակին:
Հետազոտողների խմբի ղեկավար Քրիստոֆեր Ռասելը հայտնել է, որ շատ բան վկայում է այն մասին, որ Վեստան բարդ երկրաբանական գործընթացներով է անցել` նման երկնայինին եւ լուսնայինին: Նրա մակերեւույթի մեծ մասը կազմում է` Ռեասիլվիյա խառնարանը: Բացի այդ, նրա վրա կան շատ մեծ եւ փոքր խառնարաններ` երկնային մարմինների անկման հետքեր:
