Սեուլում միջուկային անվտանգության թեմայով գագաթաժողովի շրջանակներում Իսրայելի փոխվարչապետ, գաղտնի ծառայությունների գործերով նախարար Դան Մերիդորը հանդիպում է ունեցել Ադրբեջանի նախագահ Իլհամ Ալիեւի հետ:
Մերիդորը բարձրացրել է Իրանի նկատմամբ պատժամիջոցների խստացման հարցը: Բացի դրանից, նախարարը Ալիեւին հրավիրել է Իսրայել:
Վերջին ժամանակներս Իրանի եւ Ադրբեջանի հարաբերությունները կտրուկ վատացել են: Երկու շաբաթ առաջ Ադրբեջանի ազգային անվտանգության նախարարությունը (ԱԱՆ) հայտնել էր Իրանի օգտին լրտեսության եւ այլ հանցագործություններում կասկածվող 22 մարդու ձերբակալության մասին: «Օպերատիվ միջոցառումների արդյունքում ձերբակալվել են 22 մարդ, որոնք մեղադրվում են լրտեսության մեջ` ի վնաս Ադրբեջանի ինքնիշխանությանը եւ անվտանգությանը, պետական դավաճանության եւ այլ ծանր հանցագործություններում», - ասվել է հաղորդագրության մեջ:
Իրանի իշխանությունները հերքել են Բաքվում ԱՄՆ-ի եւ Իսրայելի դեսպանությունների դեմ ահաբեկչության մասնակցության մասին Ադրբեջանի մեղադրանքները: Թեհրանում Ադրբեջանի դեսպան Ջավանշիր Ախունդովը մարտի 17-ին հրավիրվել է Իսլամական հանրապետության ԱԳՆ, որտեղ նրան վչռական բողոք են ներկայացրել: Դեսպանին զրույցի ընթացքում մատնանշվել է «Իրանին վարկաբեկելու Իսրայելի ջանքերը», հաղորդում է IzRus պորտալը:
