Ճապոնիայի ինքնապաշտպանական ուժերին հրաման է տրված պատրաստվելու ԿԺԴՀ-ի արբանյակի մեկնարկիn: Այս մասին հայտնել է երկրի պաշտպանական գերատեսչության ղեկավար Նաոկի Տանական:
Բանն այն է, որ Ճապոնիայում արբանյակի մեկնարկը համարում են բալիստիկական հրթիռի քողարկված փորձարկում: Իշխանությունները մտավախություն ունեն, որ հրթիռը կարող է շեղվել ուղղությունից կամ նրա բեկորները կարող են ընկնել ճապոնական տարածքում:
Պատրաստ լինուլու հրամանը նշանակում է «Պետիոտ» (PAC-3) երկիր-օդ դասի հակահրթիռային համակարգերի տեղափոխում երկրի հարավ` Օկինավա, Իսիգակի եւ Միյակո կղզիներ: «Պետրիոտը» կտեղակայեն նաեւ Ճապոնիայի պաշտպանության նախարարության գլխավոր գրասենյակի Տոկիոյի Իթիգայա շրջանի կայանում , հայտնում է «Ռոսիսկայա գազետան»:
Հարավչինական եւ Ճապոնական ծովում հրթիռը կամ նրա բեկորները որսալու համար երեք նավ են ուղարկվել, որոնք համալրված են «Իջիս» հետապնդման համակարգերով եւ ծովային «Ստանդարտ-3» տեղակայման զենիթային հրթիռներով:
Հիշեցնենք, որ «Քվանմենսոն-3» արբանյակի մեկնարկը ԿԺԴՀ-ն նախատեսում է նվիրել երկրի առաջին առաջնորդ եւ «ազգի հայր» Կիմ Իր Սենի ծննդյան 100 -ամյակին: