Փետրվարին մահացած ամերիկյան հանրահայտ երգչուհի Ուիթնի Հյուսթոնի իրերը աճուրդում վաճառվել են գնահատված արժեքից քառապատիկ թանկ: Ընդհանուր առմամբ, հանգուցյալ աստղի անձնական իրերի համար երկրպագուները 80 հազար դոլար են վճարել:
Իրերից շատերը ձեռք էին բերվել դեռեւս երգչուհու կենդանության օրոք` 2007թ., երբ նա Նյու Ջերսիում վաճառք էր կազմակերպել պարտքերը մարելու համար: Ընդ որում, այն ժամանակ գնորդներից ոչ մեկը հազար դոլարից ավելի չէր վճարել:
Երգչուհու մահվանից հետո նրա անձնական իրերի արժեքը մի քանի անգամ աճեց: Ամենաարժեքավորն լոտն է եղել ուլունքներով եւ մարգարիտներով կարված ոսկեգույն տոպը, որով Հյուսթոնը բեմ էր դուրս գալիս: Այն վաճառվել է 19,2 հազար դոլարով: Ինչպես նաեւ վաճառվել են ակնաջօղերը եւ ժիլետը, որոնցով Ուիթնին նկարահանվել էր «Թիկնապահը» ֆիլմում, հայտնում է pravda.ru-ն:
Հյուսթոնը մահացել է այս տարվա փետրվարին 48 տարեկան հասակում: Նրա մարմինը գտել էին Լոս Անջելեսի հյուրանոցներից մեկի համարում:
Փորձագիտության տվյալներով` Ուիթնին լոգարանում խեղդվել է սրտի կաթվածից հետո, որը տեղի է ունեցել սրտի աթերոսկլերոզի եւ կոկային օգտագործելու հետեւանքով: Փետրվարի 19-ին նրան թաղել են Նյու Արք (Նյու Ջերսի նահանգ) քաղաքի գերեզմանատանը` հոր շիրիմի կողքին:
