Մենք Հայաստանում ունենք ֆեյք պաշտոնյաներ։ Այդ մասին Ազգային ժողովում վարչապետի թեկնածության քննարկման ժամանակ ասել է «Ելք» խմբակցության պատգամավոր Էդմոն Մարուքյանը։

Նրա խոսքով, ԱԺ-ում այսօր հարցը քննարկվում է հետեւյալ կերպ՝ Հայաստանի իշխանության ղեկը Սերժ Սարգսյանին երրորդ անգամ հանձնելու հարցը։ «Առաջին անգամ վեց տարվա մեջ վերջապես այստեղ է Սերժ Սարգսյանը, եւ կարող ենք հարցեր տալ, ելույթներ տալ։ Մինչ այսօր ով եկել է, կապ չեն ունեցել ոչ մի բանի հետ։ Մենք Հայաստանում ունենք ֆեյք պաշտոնյաներ։ Ֆեյք-ինստիտուտներ։ Ունենք իրավիճակ, երբ թիվ մեկ պաշտոնյային կարող ենք հարցեր տալ»,- ասել է Մարուքյանը եւ հավելել. «Ձեզ պիտի խնդրեմ, որ ոչ մի բարեփոխում չանեք։ Ինչքան բարեփոխում եք արել, այնքան Հայաստանը ռեգրեսիա է ապրել։ Լավ բան չի ստացվում ձեր մոտ։ Վերջին անգամ Հայլուր» երբ եք նայել, այդ հաղորդումը ձեզ դուր է գալիս։ Ձեր առողջապահության նախարարը ամեն օր անհանգստացնում է բնակչությանը. Տրանսպորտի նախարարի համար թիվ մեկ խնդիրը աջ ղեկն է։ Որտեղի՞ց եք դուք գտնում այդ մարդկանց»։

Մարուքյանը անդրադարձել է Հյուսիս-հարավ ճանապարհին, նշել, որ պաշտոնյաները գոհ ու կուշտ են, իսկ ճանապարհը չկա։ «Պրոբլեմը նրանում է, որ բոլորը գիտեն, դուք ոչ մի բան չեք փոխելու։ Դուք շարունակելու եք պահպանել այս համակարգը եւ այս մարդկանց։ Միակ տուժողը Գալուստ Սահակյանն է, ուրիշ փոփոխություն չենք տեսնում։ Դուք, վստահ եմ, որ նշանակելու եք նույն նախարարներին։ Դուք ելույթ եք ունեցել, ասել դեմ եք խորհրդարանական համակարգին։ Եթե հակակշիռներ լինեին, այս խորհրդարանում հարցեր կլուծվեին։ Այստեղ ինչ քննարկում են, մարդիկ նայում են ձեր նկարին։ Մենք դեմ ենք ձեր երրորդ պաշտոնավարման ժամկետին։ Ձեզ ասելու ենք, թե ինչ է կատարվում։ Կա երկու աշխարհ, ձեր աշխարհը, եւ աշխարհ, որտեղ մենք ենք ապրում։ Դուք շրջապատել եք ձեզ մարդկանցով, որոնք չեն ասում, թե ինչ է կատարվում։ Կամ ասում են, դուք փոփոխություններ չեք անում։ Սա ֆեյք պառլամենտական համակարգ է»։

Մարուքյանը նաեւ անդրադարձել է բողոքի ցույցերին։ «Այս պահին հազարավոր մարդիկ փողոցներում են, ու դուք ժամեր անց դառնում եք ՀՀ վարչապետ։ Այդ սահմանադրությամբ ոստիկանապետը ուղղակիորեն ենթարկվում է։ Մեկի քթից արյուն եկավ, ձեզ են մեղադրելու։ Մեր թիվ մեկ խնդիրը պետք է լինի այնպես անել, որ ուժ չկիրառվի ցուցարարների նկատմամբ»,- նշել է Մարուքյանը։ Նա հիշել է Անդրիաս Ղուկասյանին, տոնածառի համար դատապարտված Գեւորգ Սաֆարյանին, նշել, որ նրանք եւ այլ անձինք նստած են իրենց քաղաքական հայացքների համար։

• Առնվազն 100 հազարների կարող ենք համոզել ներգաղթել Հայաստան. Սերժ Սարգսյան
• Ընթանում է ԱԺ հատուկ նիստը. օրակարգի միակ հարցը վարչապետի ընտրությունն է (ուղիղ)
• Մենք ցանկանում ենք երկրի ղեկին տեսնել հենց նման մարդու. Վահրամ Բաղդասարյանը ներկայացրեց Սերժ Սարգսյանի թեկնածությունը
• Անվտանգությունը շարունակելու է մնալ թիվ մեկ գերակայությունը. Սերժ Սարգսյան
• ԱԺ-ում Սերժ Սարգսյանը պատասխանում է պատգամավորների հարցերին (վիդեո)
• Թաքնված կառավարում իրականացնելը սխալ է, դա փախուստ կլիներ պատասխանատվությունից. վարչապետի թեկնածու
• Պատահական չէ, որ գերագույն գլխավոր հրամանատարը վարչապետն է. Սերժ Սարգսյան
• Ապրիլյան պատերազմը եւ անակնկալ էր եւ անակնկալ չէր. Սերժ Սարգսյանը՝ պատերազմի դասերի մասին (ուղիղ)
• Համաձայն չեմ, որ ընտրությունները տեղի են ունեցել համատարած ընտրաձայներ գնելու միջոցով. Սերժ Սարգսյան
• Դժգոհ լինել՝ չի նշանակում ըմբոստանալ. Սերժ Սարգսյան
• Չեմ կարող հայտարարել, որ տեսանելի ապագայում մեր երկիրը նմանվելու է դրախտի. Սերժ Սարգսյան