Թերթը, վկայակոչելով լավատեղյակ աղբյուրներին, գրում է, որ Երեւանի նախկին քաղաքապետ Գագիկ Բեգլարյանը գործընկերներին տեղեկացրել է, որ նախարարական որեւոէ պորտֆել կստանձնի, եթե զուգահեռաբար ստանձնի նաեւ փոխվարչապետի կարգավիճակ:
«Մեր տեղեկություններով, Սերժ Սարգսյանը Բեգլարյանին պատրաստ է նշանակել տրանսպորտի նախարար, սակայն դժվարանում է փոխվարչապետի հարցում: Եթե այնպես ստացվի, որ Տիգրան Սարգսյանը չմնա պաշտոնում, փոխվարչապետ Արմեն Գեւորգյանին այլընտրանք չի լինի, որպես միջազգային կառույցների հետ պայմանավորվածությունների հասնելու ընդունակ վարչարար: Բայց Բեգլարյանին փոխվարչապետի կարգավիճակում չի ուզում տեսնել նաեւ Տիգրան Սարգսյանը, որը Արմեն Գեւորգյանին համարում է իր կառավարության միակ ներկայանալի նախարարը»,- գրում է «Հայկական ժամանակ» թերթը: