Նախընտրելի
Dynamic Frontier Holdings ընկերությունն ավարտին է հասցնում «Թեղուտ» ՓԲԸ ձեռքբերման գործարքը։
Նոր սեփականատերը նախատեսում է շարունակել երկրորդ խոշորագույն պղնձի հանքի շահագործումը՝ միաժամանակ ներդրումներ կատարելով դրա արդիականացման ուղղությամբ՝ Հայաստանի բնակչության համար երկարաժամկետ դրական արդյունքներ ապահովելու և տնտեսական աճին նպաստելու նպատակով։
23 սեպտեմբերի, 2026 թ., ԵՐԵՎԱՆ, Հայաստան: ԱՄՆ-ում գրանցված Dynamic Frontier Holdings LLC ընկերությունը և «Թեղուտ» ՓԲԸ-ն այսօր հաստատեցին Հայաստանի Լոռու մարզում գտնվող Թեղուտի պղնձամոլիբդենային հանքավայրի շահագործող «Թեղուտ» ՓԲԸ-ի 100% բաժնետոմսերի և ամբողջ չմարված պարտքի ձեռքբերման գործարքի ավարտը: Գործարքն ավարտվել է 2026 թվականի սեպտեմբերի 22-ին:
Dynamic Frontier Holdings-ն այժմ հանդիսանում է «Թեղուտ» ՓԲԸ-ի վերջնական մայր ընկերությունը: Հայաստանի Հանրապետության Մրցակցության պաշտպանության հանձնաժողովը ձեռքբերումը հաստատել է 2026 թվականի հուլիսի 8-ին:«Թեղուտը պղնձի արդյունահանման ոլորտում Հայաստանի երկրորդ խոշորագույն ընկերությունն է և երկրի համար չափազանց կարևոր ակտիվ: Այն ունի բարձր որակավորում ունեցող աշխատուժ և արժանի է լուրջ ներդրումների: Մեր նպատակն է շարունակել երկրորդ խոշորագույն պղնձի հանքի շահագործումը՝ միաժամանակ ներդրումներ կատարելով դրա հետագա արդիականացման ուղղությամբ՝ Հայաստանի բնակչության համար երկարաժամկետ դրական արդյունքներ ապահովելու և տնտեսական աճին նպաստելու նպատակով։ Պղինձը և մոլիբդենը կարևորագույն օգտակար հանածոներ են, որոնցից կախված է ժամանակակից տնտեսությունը, իսկ Հայաստանն ունի ինչպես անհրաժեշտ պաշարներ, այնպես էլ համապատասխան մասնագիտական փորձ՝ միջազգային շուկաների համար հուսալի և երկարաժամկետ մատակարար դառնալու համար։ Մեր նպատակն է ստեղծել ձեռնարկություն, որը կապահովի այդ ներուժի իրացումը, համաշխարհային մակարդակով մրցունակ կլինի և երկարաժամկետ արժեք կստեղծի տեղական համայնքի, Լոռու մարզի, Հայաստանի Հանրապետության և նրա միջազգային գործընկերների համար», - հայտարարել է Dynamic Frontier Holdings ընկերությունը:
Dynamic Frontier Holdings-ը հայտարարեց տեղական համայնքին և Լոռու մարզի նախաձեռնություններին աջակցելու նպատակով նոր սոցիալական հիմնադրամի ստեղծման մասին՝ 5 միլիոն ԱՄՆ դոլարի չափով սկզբնական մասնահանմամբ և հետագա ամենամյա հատկացումներով:
