Մեծ Բրիտանիան Ուկրաինային կհանձնի լրացուցիչ հեռահար Storm Shadow թևավոր հրթիռներ, որոնք կօգնեն Կիևին պաշտպանվել ռուսական հարձակումներից։

Ինչպես հայտնում է The Telegraph-ը, նոր հրթիռների մատակարարման որոշումը կայացվել է այս շաբաթվա սկզբին, երբ Էնդի Բերնհեմը ողջունել է Ուկրաինայի նախագահ Վլադիմիր Զելենսկիին Մեծ Բրիտանիայի վարչապետի նստավայրում՝ Դաունինգ սթրիթ 10-ում։

Անցյալ տարվա աշնանը Մեծ Բրիտանիան արդեն համալրել էր ուկրաինական Storm Shadow-ների պաշարները։ Այս հրթիռները Ուկրաինային թույլ են տալիս խոցել թիրախներ Ռուսաստանի տարածքի խորքում։

Անվտանգության նկատառումներից ելնելով՝ բրիտանական կառավարությունը չի բացահայտում, թե կոնկրետ որքան Storm Shadow հրթիռ է փոխանցվել Կիևին։

«Մենք շարունակում ենք ռազմական օգնություն ցուցաբերել՝ աջակցելով Ռուսաստանի անօրինական հարձակումներից ինքնապաշտպանվելու Ուկրաինայի ակնհայտ իրավունքին՝ միջազգային մարդասիրական իրավունքի համաձայն», — The Telegraph-ին հայտնել է պաշտպանության գերատեսչության աղբյուրը։

Նա հավելել է, որ նոր մատակարարման մասին որոշումը, որի մասին առաջինը հայտնել էր Bloomberg գործակալությունը, ընդունվել է «Ուկրաինայի պաշտպանության նպատակով»։