նախընտրելի դարձնելԱՄՆ-ի Հանրապետական կուսակցության Տամպա քաղաքում կայանալիք համագումարը մթագնել է ոչ քաղաքական բնույթի պատճառներով: Առաջին հերթին համագումարը ստիպված են եղել հետաձգել «Իսահակ» ուժգին փոթորկի պատճառով: Երկրորդ` մտավախություն կա, որ կուսակցության վարկանիշը կտուժի, երբ համագումարը տեղի ունենա «մերկապարի մայրաքաղաքում», ինչպես ընդունված է անվանել սթրիփ-ակումբներով հարուստ Տամպա քաղաքը:
Պարզվում է Տամպա է ժամանել նշանավոր պոռնոդերասանուհի Լիզա Էննը, ով համարվում է Հանրապետական կուսակցության անդամ, 2008 թ-ին ԱՄՆ-ի փոխնախագահի պաշտոնում առաջադրված Սարա Փեյլինի նմանակը: Լիզա էննը, ով մեծահասակների համար նախատեսված ֆիլմերում հանդես է գալիս նշանավոր հանրապետականի տեսքով, հաջողությամբ հանդես է եկել տեղական սթրիփ-ակումբներում:
Էննը հայտնի է դարձել «Who’s Nailin’ Paylin?» ֆիլմով, որտեղ նա հանդես է եկել Սարա Փեյլինի կերպարով, նշում է The Tampa Bay Times-ը:
Լիզա Էննը նշել է, որ շատ է կարդացել իր «նախատիպի» մասին, ուսումնասիրել է վերջինիս կենսագրությունը եւ հետեւել է շաժուձեւին` դերի մեջ ավելի լավ մտնելու համար: Սակայն քաղաքական նախասիրություններով երկու կանայք տարբերվում են միմյանցից, քանի որ Լիզա Էննը համակրում է եւ իր ձայնը պատրաստվում է տալ դեմոկրատներին:
