նախընտրելի դարձնել«Նորվեգացի հրաձիգ» Անդերս Բրեյվիկի մոտ 7 հազար նամակներով գիրքը լույս է սեպտեմբերի 3-ին Նորվեգիայում:
Էլեկտրոնային նամակները հավաքագրել եւ մեկ տարուց ավել պահել է նորվեգացի գրող, լրագրող Խետիլ Ստուրմակը, ով մասնագիտանում է անցյալ տարվա հուլիսի 22-ին տեղի ունեցած դեպքերի ուսումնասիրությամբ , երբ Բրեյվիկը իրագործել է երկակի ահաբեկչություն:
«Ամենագլխավորն այն է, որ ընթերցողները կարող են իրենք պատկերացում կազմել այն մասին, թե ինչ է արել Բրեյվիկը հուլիսի 22-ին, ում հետ է շփվել, ինչպես է պատրաստվել ահաբեկչությանը»,-Ստուրմակի խոսքերն է մեջբերում Ռիա Նովոստին` վկայակոչելով տեղական թերթերը:
Բրեյվիկի նամակներով գիրքը Ստուրմակի կողմից գրված` անցյալ տարվա հուլիսի 22-ի դեպքերին նվիրած շարքի երկրորդ գիրքն է: Գրող-լրագրողը նպատակ ունի հրատարակել նաեւ երրորդ գիրքը, որտեղ նպատակ ունի նկարագրել իշխանությունների` ահաբեկչությունների ժամանակ իրականացրած նախաձեռնությունները:
Բացի այդ, ինքը` Բրեյվիկը նույնպես նպատակ ունի բանտում գրել ամենաքիչը երեք գիրք: Իր հիշողությունները եւ ահաբեկչության շուրջ իր մտորումները գրքի տեսքով պատրաստվում է հրատարակել նաեւ Բրեյվիկի հայրը, ում հետ վերջինս չի շփվել արդեն բազմաթիվ տարիներ:
Հիշեցնենք, որ Բրեյվիկը նորվեգական դատարանի կողմից մեղսունակ է ճանաչվել եւ դատապարտվել է Նորվեգիայի առավելագույն պատժաչափով, որը նախատեսում է 21 տարի ազատազրկում:
