նախընտրելի դարձնել
2009թ. մահացած «փոփ երաժշտության արքա» Մայքլ Ջեքսոնի բժիշկ Քոնրադ Մյուրեյին բանտից տեղափոխել են Լոս Անջելեսի հիվանդանոց: Բժիշկը տրոմբոզ ունի, ինչը կարող է մահացու ելք ունենալ:
TMZ.com-ը մանրամասներ է հաղորդել Մյուրեյի եւ ընկերներից մեկի հեռախոսազրույցից, որտեղ բժիշկը բողոքել է, որ Մայքլ Ջեքսոնի Thriller տեսահոլովակի «զոմբիից» վատ տեսք ունի:
«Թրոմբները վտագավոր են… հատկապես, եթե թոքերին են հասնում, դա կարող է առաջացնել թոքային էմբոլիա, ինչը կարող է հանգեցնել հաշմանդամության, անգամ` մահվան»,- Մյուրեյի խոսքերը մեջբերում է կայքը:
Շաբաթվա սկզբին Մյուրեյը բանտից տեղափոխվել է Հարավային Քալիֆորնիայի համալսարանի բ/կ, հայտնում է «Ռոսբալտը»:
Հիշեցնենք, նոյեմբերի 8-ին Մյուրեյը ձերբակալվել էր փոփ երաժշտության արքա Մայքլ Ջեքսոնի ոչ կանխամտածված սպանության մեղադրանքով: Քննության վարկածով` Մյուրեյը երգչին պրոպոֆոլի մեծ չափաբաժին է տվել, որն այլ դեղամիջոցների հետ փոխազդելով հանգեցրել է Ջեքսոնի մահվանը:
