նախընտրելի դարձնելՎատիկանում քննարկել են Իրաքի հյուսիսի իրավիճակը, որը «Իսլամական պետության» գրոհայիններն իրենց ենթակա տարածք են հայտարարել:
Հռոմի պապի անձնական պատվիրակ Ֆերնանդո Ֆիլոնին եղել է դեպքի վայրում եւ հանդիպել փախստականների՝ կրոնական փոքրամասնությունների ներկայացուցիչների հետ, որոնց հալածում են գրոհայինները:
Կարդինալը վստահ է՝ ամենավատ վիճակում եզդիներն են, ոչ թե Իրաքի քրիստոնյաները:
«Եզդիները դժբախտ մարդիկ են, հնարավոր է՝ ամենադժբախտները: Այո, իրենց հավատքն ուրանալ չցանկացած, հարկեր վճարելուց հրաժարված քրիստոնյաները ստիպված են եղել լքել տները, բայց նրանց գոնե մահվամբ չեն սպառնացել»:
Եզդիները արեւապաշտ քրդեր են, հնագույն կրոնի հետեւորդներ, որն իսլամիստները համարում են «երկրպագություն սատանային»: Համայնքի ներկայացուցիչների հետ խիստ դաժան են վարվում: Սպանում են, կանանց եւ երեխաներին առեւանգում են ու բռնաբարում:
Ոչ մահմեդականների զանգվածային փախուստը սկսվել էր Իրաքի մեծությամբ երկրորդ քաղաք Մոսուլի գրավումից: Այդ ժամանակից ի վեր ջիհադիսներն այնտեղ ոչնչացրել են կրոնական օբյեկտների մի ամբողջ շարք:
