նախընտրելի դարձնելՕգոստոսի 13-ին, ժամը 16:36-ին ահազանգ է ստացվել, որ Շիրակի մարզի Ջրափի գյուղի մոտակայքում «Mercedes Benz» մակնիշի ավտոմեքենան դուրս է եկել ճանապարհի երթեւեկելի հատվածից եւ հայտնվել դաշտամիջյան հատվածում, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ-9 ավտոճանապարհի Գյումրի-Արմավիր հատվածի 41-րդ կմ-ին «Mercedes Benz C 180» մակնիշի 78 LX 999 պետհամարանիշով ավտոմեքենան (վարորդ՝ 1982 թ. ծնված) դուրս է եկել ճանապարհի երթեւեկելի հատվածից եւ հայտնվել դաշտամիջյան հատվածում:
Ուղեւոր՝ 1937 թ. ծնված Ի. Ա.-ը տարբեր աստիճանի մարմնական վնասվածքներով հոսպիտալացվել են Գյումրի քաղաքի ԲԿ, որտեղ բժիշկները տուժածի առողջական վիճակը գնահատել են բավարար:
Փրկարարները հոսանքազրկել են ավտոմեքենան, փակել գազի բալոնի փականը եւ կատարել հովացման աշխատանքներ:
