նախընտրելի դարձնելԱՄՆ-ն Իրանում բողոքի ակցիաներիի վերաբերյալ ՄԱԿ ԱԽ արտակարգ նիստի կայացումն ակնկալում է առաջիկա օրերին:
Այդ մասին հայտարարել է ԱՄՆ պետդեպարտամենտի պաշտոնական ներկայացուցիչ Հեզեր Նաուերթը, հաղորդում է Fox News-ը:
«Հուսով եմ, որ առաջիկա երկու օրերի ընթացքում տեղի կունենա ՄԱԿ Անվտանգության խորհրդի արտակարգ նիստը, որի ընթացքում ԱՄՆ-ն այլ երկրներին կոչ կանի աջակցել Իրանի ժողովրդին», - ասել է նա:
Նաուերթի խոսքով՝ Վաշինգթոնը «Իրանի բնակիչների հետ խնդիրներ չունի, բայց համաձայն չէ Իրանի կառավարության հետ, որը վատ է վերաբերվում իր քաղաքացիների հետ»:
Իրանի խոշոր քաղաքներում, որոնց թվում են Թեհրանը, Մաշհեդը, Իսֆահանը եւ Ռեշտը, դեկտեմբերի 28-ից զանգվածային ցույցեր են տեղի ունեցել: Իրանի նախագահ Հասան Ռոհանին հայտարարել է, որ բողոքի ակցիաները պայմանավորված են երկրի ներքին խնդիրներով, ինչպես նաեւ այլ երկրների կողմից սադրանքներով:
Լրատվամիջոցների հաղորդումների համաձայն՝ առնվազն 20 մարդ դարձել է անկարգությունների զոհ, վերջին երեք օրերին մայրաքաղաքում տեղի ունեցած բողոքի ակցիաների արդյունքում ձերբակալվել է շուրջ 450 մարդ:
