նախընտրելի դարձնելՍիրիայի հարցով ՄԱԿ-ի գլխավոր քարտուղարի հատուկ բանագնաց Ստեֆան դե Միստուրան «ցնցված է եւ տրտմած» Դամասկոսի հիվանդանոցում միջսիրիական բանակցությունների «կահիրյան» հարթակի ընդդիմադիր Մունիր Դարվիշի մահվան կապակցությամբ։
Այս մասին ասված է բանագնացի հայտարարության մեջ, որը հրապարակվել էր նախօրեին Ժնեւում, հաղորդում է ՏԱՍՍ-ը:
Մունիր Դարվիշը ընդգրկված էր «կահիրյան» հարթակի եւ Սիրիայի բանակցային կոմիտեի կազմում եւ «ընդդիմության միասնականության եւ բանակցությունների միջոցով քաղաքական անցման կողմնակից էր»: 2017 թ. հունիսին եւ հուլիսին նա բանակցություններ է վարում «կահիրյան» հարթակի անունից` ցույց տալով «բարձր մակարդակի փորձաքննական գիտելիքներ եւ պրագմատիզմ»: «Գիտելիքների եւ զսպվածության շնորհիվ նա հարգանք էր վայելում թե՛ հարթակի ներսում, թե՛ դրսում, ինչպես նաեւ ՄԱԿ-ի փորձագետների թիմում»,-ասված է հայտարարության մեջ:
Բանագնացի խոսքով՝ ըստ երեւույթին, Մունիր Դարվիշը վրաերթի է ենթարկվել իր տան մոտ, մեքենայի վարորդի ինքնությունն անհայտ է, նա անհետացել է դեպքի վայրից։
Բանագնացը կոչ է արել պարզել նրա ինքնությունը եւ հանձնել արդարադատությանը բոլոր նրանց, ովքեր ներգրաված են դրանում։
Հատուկ բանագնացը «անկեղծ ցավակցություն է հայտնել Մյունիր Դարվիշի ընտանիքին եւ գործընկերներին»:
Դեկտեմբերին դե Միստուրան հայտարարել էր, որ հունվարի երկրորդ կեսին Ժնեւում մտադիր է անցկացնել միջսիրիական բանակցությունների հաջորդ՝ 9-րդ փուլը: Հստակ ժամկետները դեռ հայտնի չեն:
