նախընտրելի դարձնել
Ռուսաստանի վարչապետ Վլադիմիր Պուտինը խիստ քննադատության է ենթարկել Լիբիայի հարցով ՄԱԿ-ի Անվտանգության խորհրդի բանաձեւը, որն, ըստ նրա, թույլ է տալիս օտարերկրյա ներխուժում իրականացնել ինքնիշխան երկրի տարածք, գրում է «ՌԻԱ Նովոստին»։
«ՄԱԿ- ի ԱԽ բանաձեւը լիարժեք չէ եւ վնասական է: Այն թույլ է տալիս ամեն ինչ եւ խաչակրաց արշավանքի միջնադարյան կոչ է հիշեցնում: Բանաձեւը, փաստացի, թույլ է տալիս ներխուժել ինքնիշխան երկիր»- ասել է Պուտինը Վոտկինյան գործարանի բանվորների հետ զրույցի ժամանակ: Ն ա նաեւ հիշեցրել է, որ Ռուսաստանը ձեռնպահ է քվեարկել այդ բանաձեւին:
Ավելի վաղ NEWS.am-ը հայտնել էր, որ ՄԱԿ-ի Անվտանգության խորհուրդը բանաձեւ է ընդունել, որը ենթադրում է ցանկացած գործողություն, այդ թվում ռազմական միջամտություն՝ Լիբիայի քաղաքացիական բնակչությանը պաշտպանելու համար: Բանաձեւն արգելու է միայն ցամաքային ներխուժումը Լիբիայի տարածք:
Մարտի 19-ին Ֆրանսիայի ռազմաօդային ուժերին պատկանող ռազմական օդանավերն սկսեցին ռմբահարել Լիբիայի տարածքը: Մի քանի ժամ անց նրանց միացան նաեւ ԱՄՆ-ի եւ Մեծ Բրիտանիայի օդանավերը:
Լիբիայի դեմ ռազմական միջամտության օգտին արտահայտվել են մի շարք եվրոպական եւ արաբական երկրներ։
Լիբիայի իշխանություններն արդեն հայտարարել են, որ այդ հարվածներից մահացել է ավելի քան 60 խաղաղ բնակիչ, այնինչ արեւմտյան երկրները այդ տվյալները չեն հաստատում:
