Նախընտրելի
ՄԱԿ-ի աշխատակիցները տարհանվել են Լիբիայի մայրաքաղաք Տրիպոլիից:
Կազմակերպության ներկայացուցչի խոսքով` ՄԱԿ-ի 12 աշխատակիցներ «ժամանակավորապես լքել են» Տրիպոլին եւ կվերադառնան «հենց որ բարենպաստ մթնոլորտ ձեւավորվի», -գրում է Lenta.ru-ն:
Լիբիայի տարածքում սակայն մնացել են ՄԱԿ-ի աշխատակիցներ, որոնց մի մասը գտնվում է Բենգազիում` ապստամբների գլխավոր քաղաքում:
ՄԱԿ-ն իր աշխատակիցների տարհանման որոշման մասին հայտարարել էր մայիսի 1-ին այն բանից հետո, երբ Տրիպոլիում կազմակերպության, ինչպես նաեւ Իտալիայի եւ Մեծ Բրիտանիայի դիվանագիտական առաքելությունների վրա գրոհ էր իրականացվել:
Միացյալ Թագավորության արտաքին գործերի նախարար Ուիլյամ Հեյգն էլ իր հերթին հայտարարել է երկրից լիբիական դեսպանին արտաքսելու մասին:
