Նախընտրելի
Միջուկային էներգետիկ սարքերի նոր սերունդը, որ մշակում է Չինաստանը, կարող է մեծ քանակությամբ պլուտոնիում արտադրել, որն էլ կարող է օգտագործվել միջուկային զենք ստեղծելու համար: Այս մասին հայտարարել է ԱՄՆ ռազմավարական հրամանատարության հրամանատար (STRATCOM), նավատորմի ծովակալ Չառլզ Ռիչարդը՝ Սենատի զինված ուժերի հանձնաժողովին տված իր ցուցմունքներում, հայտնում է Reuters-ը:
Չինաստանը արագ նեյրոնների հիման վրա մշակում է ռեակտոր-բազմացնողներ՝ ձգտելով նվազեցնել իր կախվածությունը ածուխից՝ ածխածնի արտանետումների հիմնական աղբյուրից: Բայց գործարանները արտադրում են նաեւ պլուտոնիում, որը կարող է օգտագործվել միջուկային զենք ստեղծելու համար: Նախատեսված է, որ արագ նեյրոնների հիման վրա ստեղծված ռեակտոր-բազմացնողը կարձակվի 2023 թվականին:
«Արագ նեյրոնների հիման վրա ստեղծված ռեակտոր-բազմացնողի շնորհիվ այժմ դուք ունեք զենքի պլուտոնիումի շատ մեծ աղբյուր, որը կփոխի սահմաններն այն բանի, ինչը Չինաստանը կարող էր անել, եթե ուզենար՝ իր միջուկային հնարավորություններն ավելի ընդլայնելու տեսանկյունից»,- ասել է Ռիչարդը:
Չկա ոչ մի վկայություն, որ Չինաստանը մտադիր է պլուտոնիումի իր պոտենցիալ պաշարներն ուղղել զենքի ստեղծմանը, բայց անհանգստությունն աճել է, քանի որ հաջորդ տասնամյակում Պեկինը առնվազն կկրկնապատկի միջուկային մարտագլխիկները:
Ռիչարդն ասել է, որ ամերիկացի պաշտոնյաները վերջերս իմացել են, թե որքան արագ է Չինաստանը շարժվում դեպի իր քաղաքացիական միջուկային ծրագրի ստեղծումը: Մոտ մեկ շաբաթ առաջ «մենք իմացանք այդ մասին եւ հետեւանքները հասկանալու գործընթաց սկսեցինք»,- նշել է նա:
