Վեցամյա վերականգնողական աշխատանքներից հետո Մոսկվայի Մեծ թատրոնում  փլվել են դեկորացիաները, տուժել է բեմի աշխատողը:

Հոկտեմբերի 28-ին, ժամը 21:40-ին սկսել են հավաքել դեկորացիաները, որոնցից մեկն ընկել է  աշխատողի վրա:

Տղամարդը կրծքավանդակի վնասվածք է ստացել  եւ հոսպիտալացվել է, հաղորդում է «ՌԻԱ Նովոստին»: Միջադեպի պատճառը  պարզվում է:

Նախօրեին Մեծ թատրոնի բացմանը ներկա են եղել քաղաքական, մշակութային եւ բիզնես էլիտայի ներկայացուցիչներ:

Թատրոնը փակվել էր վերանորոգման համար 2005 թ-ին եւ այդ ընթացքում կարողացել է իր տարածքն ընդլայնել  մինչեւ 80 հազ. քմ-ով, բեմը  դարձել է վեցհարկանի շենքի բարձրության, ընդ որում` ամբողջությամբ համակարգչայնացված է:

Ռեստավրատորներն աշխատել են XIX-րդ դարի ինտերիերի վրա: Մասնավորապես`  ոսկեզօծման համար  ծախսվել է  մոտ 4,5 կգ ոսկի, նշում է NEWSru.com-ը: