Բոլորին է հայտնի, որ հենց Վրաստանն է սկսել  Ռուսաստանի հետ պատերազմը  2008թ. օգոստոսին,  այդ մասին ասվում է եւ Եվրամիության հանձնաժողովի զեկույցում, եւ ԵԽԽՎ բանաձեւում, եւ միջազգային ԶԼՄ-ներում: Այդ մասին այսօր` նոյեմբերի 1-ին Թբիլիսիում տեղի ունեցած մամլո ասուլիսում հայտարարել է վրացի գործարար Բիձինա Իվանիշվիլին` ավելացնելով, որ դա արձանագրվում է բոլորի կողմից, բացի վրացական հեռուստաընկերությունների:

Ինչպես հաղորդում է  «НТВ»-ին, Իվանիշվիլին, մասնավորապես,  Սահակաշվիլիին մեղադրել է ռամբահարումներն սկսելու մեջ:  «Ես պնդում եմ, որ Վրաստանն է սկսել պատերազմը Ռուսաստանի հետ: Սահակաշվիլին է սկսել ռմբակոծել Ցխինվալը»,-հայտարարել է նա` ընդգծելով, որ Վրաստանի իշխանությունները փորձում են խաբել վրաց ժողովրդին:

Նշենք, որ Իվանիշվիլին  զբաղված է Վրաստանում ընդդիմադիր կոալիցիայի ստեղծմամբ, մտադիր է հաղթել հաջորդ տարի խորհրդարանական ընտրություններում եւ բարելավել հարաբերությունները Ռուսաստանի հետ:

Forbes-ի տվյալներով` Իվանիշվիլիի կարողությունը հասնում է 5,5 մլրդ դոլարի: