նախընտրելի դարձնելԽորհրդարանում 2012թ. պետբյուջեի նախագծի լսումների ընթացքում «Ժառանգություն» խմբակցությունը դժգոհություն է հայտնել պատգամավորներին տրամադրված համակարգչային տեխնիկայի որակի վերաբերյալ: Ըստ խմբակցության քարտուղար Լարիսա Ալավերդյանի` համակարգիչները հարկավոր է փոխել: «Այս հարցի մասին ինձ խնդրել է բարձրաձայնել իմ կուսակցական գործընկեր Արմեն Մարտիրոսյանը, բայց այն ինձ եւս անհանգստացնում է: Համոզված եմ, որ իրավիճակը պայմանավորված չէ ընդդիմության հանդեպ վերաբերմունքով, սակայն դրանցով աշխատելն իրոք անհնար է», - ասաց Ալավերդյանը:
Պատասխանելով հարցին` Ազգային ժողովի աշխատակազմի ղեկավար Գեղամ Ղարիբջանյանը նշեց, որ Համաշխարհային բանկի միջոցներով 3 ամսվա ընթացքում խորհրդարան կբերվի համակարգչային նոր տեխնիկա «այդ թվում նաեւ ընդդիմադիր կուսակցությունների ներկայացուցիչների համար»:
Իր հերթին Պետաիրավական հարցերի խորհրդարանական հանձնաժողովի նախագահ Դավիթ Հարությունյանն ասաց, որ հարկավոր է ուշադրություն դարձնել խորհրդարանականների գործուղման ծախսերին: «Այս հարցը ամեն տարի լրջորեն քննարկվոմ է: Հարկավոր է հասկանալ, որ խորհրդարանականների ուղեւորությունները անհրաժեշտ են պետությանը: Հայաստանը մասնակցում է միջազգային կազմակերպությունների, որոնց որոշումները մեզ համար պարտադիր են: Հետեւաբար, չի կարելի թույլ տալ, որ դրանք մեր բացակայությամբ կայացվեն», - նշեց Հարությունյանը:
Նշենք, 2012թ. խորհրդարանի աշխատակազմի գործուղումների համար նախատեսված է 350 մլն դրամ` այնքան, ինչքան նախորդ տարի էր:
