նախընտրելի դարձնել
Անկարայում մտափոխվել են և հրաժարվել Թուրքիայի և Հայաստանի ներկայացուցիչների հուլիսի 2-ին նախատեսված հանդիպումից։
Դրա մասին NEWS.am-ին հայտնել է իրազեկ դիվանագիտական աղբյուրը։
Ավելի վաղ հաղորդվել էր, որ հուլիսի 2-ին հայ-թուրքական սահմանին երկու երկրների ներկայացուցիչների հանդիպում է նախատեսված։
«Վերջին պահին թուրքական կողմը հրաժարվեց հանդիպումից։ Որոշման պաշտոնական պատճառները չեն նշվում»,- հայտնել է աղբյուրը։ Առայժմ պարզ չէ՝ հանդիպումը չեղարկվե՞լ է, թե՞ սոսկ հետաձգվել։
Հիշեցնենք, որ հունիսի 11-ին Ազգային ժողովի փոխխոսնակ, Թուրքիայի հետ հարաբերությունների կարգավորման հարցով ՀՀ հատուկ ներկայացուցիչ Ռուբեն Ռուբինյանն հայտարարել էր, թե պայմանավորվածություն կա, որ Հայաստանի և Թուրքիայի ներկայացուցիչների միջև որ օրը նոր հանդիպում կանցկացվի, թեև դեռ հանդիպման վայրի վերաբերյալ հստակություն չկար։ Ռուբինյանը հավելել էր, որ հայ-թուրքական սահմանի Մարգարայի կամուրջն արդեն վերանորոգվել է և պատրաստ է։
Նշենք նաև, որ նախատեսված հանդիպումը պաշտոնապես չի հաստատվել։
