նախընտրելի դարձնելԵս անձամբ վարչապետի հետ հանդիպման ժամանակ ասել եմ հետևյալը՝ պարոն վարչապետ, ես ձեզ խնդրում եմ, ես ձեզ աղաչում եմ, ձեր խնդրանքը հետ կանչեք, որովհետև այն արդարացի չէ։ Այս մասին, այսօր՝ դեկտեմբերի 4-ին, ԱԺ-ում լրագրողն երի հետ զրույցում նշեց ՔՊ խմբակցությունից հեռացած պատգամավոր Հովիկ Աղազարյանը:
«Ինքն ասաց, որ չի կարող, ասեցի՝ ես էլ չեմ կարող»,-ասաց նա:
Հարցին՝ ինչպե՞ս է գնահատում, որ Նիկոլ Փաշինյանը իր մասին ինֆորմացիան վերցրել է քննչական մարմիններից, հետո օգտագործել է որպես հիմնավորում իրեն ՔՊ-ից հեռացնելու համար, Աղազարյանը պատասխանեց. «Ես չգիտեմ դա հակաօրինական է թե ոչ: Իմ պաշտպանն ասում է որ դա հակաօրինական է եւ պատրաստում է փաստաթղթերը:
Ես ունեմ քաղաքական եւ մարդկային այն ռանգը, որ ինձ թույլ տամ վարչապետի քայլը գնահատեմ: Ես վարչապետին հասկանում եմ լրիվ ուրիշ տարբերակով, ես կյանքով գիտեմ, որ ցանկացած իշխանություն այլասերվելու միտում ունի: Մենք էլ հետևաբար բացառություն չենք, այդ թվում նաև ես: Հետևաբար վարչապետը քիչ հնարավորություններ ունի, որպեսզի կանխարգելի, սանձահարի մեր այլասերման գործընթացը: Ես այս իմաստով լրիվ իրեն հասկանում եմ»:
