նախընտրելի դարձնելՊետության ղեկավարը Հայաստանի վարչապետին պարգեւատրել է «Ալթին Կիրան» շքանշանով, հաղորդել է Tengrinews.kz-ն՝ հղում կատարելով Akorda-ին։
Պարգեւատրման արարողության ժամանակ ունեցած ելույթում Կասիմ-Ժոմարտ Տոկաեւը նշել է, որ Նիկոլ Փաշինյանին համարում է Հայաստանի իսկական ազգային առաջնորդ, որը կարողացել է նոր էներգիա հաղորդել իր երկրի զարգացմանը եւ հզոր խթան՝ պետականաշինության բոլոր ոլորտների բարեփոխումներին։
«Ձեր հեռատես ղեկավարությամբ Հայաստանը վստահորեն ընտրել է կայուն առաջընթացի ուղին, ամրապնդել է իր դիրքերը միջազգային ասպարեզում եւ օրինակ է ծառայել մտածված եւ պատասխանատու քաղաքականության՝ ինչպես ներքին, այնպես էլ արտաքին։ Բարդ աշխարհաքաղաքական իրավիճակում դուք ցուցաբերել եք այնպիսի արժեքավոր որակ, ինչպիսին է ոչ ավանդական, վճռական որոշումներ կայացնելու ունակությունը, որը, անկասկած, օգուտ կբերի ամբողջ հայ ժողովրդին։ Սա, անկասկած, ցույց է տալիս, որ բարեկամական, եղբայրական Հայաստանը ընտրել է խաղաղ, կայուն զարգացման ուղին, որի համար դուք պատմական ներդրում եք ունեցել։ Ես հատկապես կցանկանայի նշել ձեր նշանակալի դերը Հայաստանի եւ Ադրբեջանի միջեւ խաղաղության գործընթացի առաջխաղացման եւ Վաշինգտոնում համապատասխան եզրափակիչ փաստաթղթի ստորագրման գործում»,- ասել է Ղազախստանի նախագահը։
Կասիմ-Ժոմարտ Տոկաեւն ընդգծել է, որ ղազախ-հայկական միջպետական հարաբերություններն այժմ հասնում են ռազմավարական գործընկերության մակարդակի։
«Ձեր ակտիվ մասնակցությունը մեր երկրների միջեւ բազմակողմանի համագործակցության զարգացմանը զգալիորեն նպաստել է դրան։ Ձեր բացառիկ դերի եւ ղազախ-հայկական հարաբերությունների զարգացման գործում ունեցած ակնառու ներդրման համար ես որոշել եմ այսօր Ձեզ հանձնել Ղազախստանի Հանրապետության բարձրագույն պետական պարգեւը՝ «Ալթին Կիրան» շքանշանը։ Վստահ եմ, որ այս իրադարձությունը կդառնա անխախտ եղբայրության, փոխադարձ վստահության եւ մեր ժողովուրդների ապագային համատեղ նվիրվածության եւս մեկ փայլուն խորհրդանիշ»,- նշել է պետության ղեկավարը։
Նիկոլ Փաշինյանը շնորհակալություն է հայտնել Կասիմ-Ժոմարտ Տոկաեւին եւ ամբողջ ղազախ ժողովրդին՝ իրեն Ղազախստանի բարձրագույն պետական պարգեւը շնորհելու համար եւ ընդգծել, որ դա համարում է հայ ժողովրդի նկատմամբ հատուկ հարգանքի նշան։
«Ինձ համար մեծ պատիվ է արժանանալ եղբայրական Ղազախստանի Հանրապետության բարձրագույն պարգեւին եւ անձամբ ստանալ այն Ձեզանից։ Դուք մեծ փորձառություն ունեցող քաղաքական, պետական գործիչ եւ դիվանագետ եք, եւ Ձեր գնահատականը շատ արժեքավոր է։ Վստահ եմ, որ այս պարգեւը կնպաստի ոչ միայն երկկողմ հարաբերությունների, այլեւ մեր ամբողջ մեծ տարածաշրջանի հետագա զարգացմանը»,- նշել է ՀՀ վարչապետը։
