ՆախընտրելիՍպիտակ տանն առընթեր Թղթակիցների ասոցիացիայի նախագահ Մարգարեթ Թալեւը հայտարարություն է տարածել, որում ընդունել է, որ շաբաթ կայացած ամենամյա ընդունելությանը հրավիրված կոմիկ Միշել Վուլֆի մի քանի կատակներ չէին համապատասխանում միավորման ոգուն, փոխանցում է ՏԱՍՍ-ը:
Ասոցիացիային հղված ուղերձում Թալեւն ուշադրություն է դարձել այն հանգամանքին, որ Վուլֆի մենախոսությունը, որը պետության ղեկավարին եւ նրա վարչակազմի անդամներին հասցեագրած մի քանի կոպիտ կատակներ է պարունակել, որոշ հյուրերի վիրավորել է:
Վուլֆը, որն առաջին հերթին հայտնի է որպես NBC հեռուստաալիքում «Երեկոյան շոու Սեթ Մայերսի հետ» շոուի համար կատակների հեղինակ, իր մենախոսության ընթացքում իրեն ոչ միայն բավականին ազատ կատակներ է թույլ տվել ԱՄՆ նախագահ Դոնալդ Թրամփի վերաբերյալ, այլեւ Սպիտակ տան մամուլի քարտուղար Սառա Սանդերսին ուղղված մի շարք հակասական արտահայտություններ է կատարել, որն ընթրիքին մասնակցում էր: Սա բացահայտ բացասական արձագանք է հարուցել նույնիսկ լիբերալ տրամադրված մամուլի ներկայացուցիչների շրջանում, որոնք ավանդաբար հանդես են գալիս Թրամփի վարչակազմի քննադատությամբ:
«Լսել եմ, որ միավորման անդամները հիասթափություն են հայտնել շոու ծրագրի վարողի մենախոսությունից, ինչպես նաեւ մտահոգություն, թե դա ինչպես կանդրադառնա մեր առաքելության վրա: Երեկվա երեկոյի ծրագիրը նվիրված էր ուղերձին ուժեղ եւ ազատ մամուլին մեր ընդհանուր հավատարմության մասին, այլ ոչ թե մարդկանց տարանջատելուն: Ցավոք, նրա մենախոսությունը չէր համապատասխանում այս առաքելության ոգուն»,- ընդունել է նա:
.jpg)
Հայտարարությունը տարածվելուց կարճ ժամանակ անց այս կապակցությամբ արտահայտվել է նաեւ Թրամփը: «Սպիտակ տանն առընթեր Թղթակիցների ասոցիացիայի ընթրիքն անցյալ տարի ձախողվել էր, բայց այս տարի ընդունելությունը կոնֆուզ էր նրա հետ կապված բոլորի համար: Անվայելուչ «կոմիկը» պարզապես սայթաքեց (իր կատակները չկարողացավ անել նույնիսկ Սեթ Մայերսի թույլ ելույթների նմանությամբ): Այս ընթրիքը թողեք անցյալում կամ ամեն ինչ նորից սկսեք»,- նշել է Թրամփը Twitter-ի իր էջում:
The White House Correspondents’ Dinner was a failure last year, but this year was an embarrassment to everyone associated with it. The filthy “comedian” totally bombed (couldn’t even deliver her lines-much like the Seth Meyers weak performance). Put Dinner to rest, or start over!
— Donald J. Trump (@realDonaldTrump) 30 апреля 2018 г.
Սպիտակ տանն առընթեր Թղթակիցների ասոցիացիայի ընթրիքն ավանդաբար Վաշինգթոնի բարձրաշխարհիկ կյանքի գլխավոր միջոցառումն է: Այս տարի այն տեղի է ունեցել Washington Hilton հյուրանոցում: Սովորականի պես, երեկոյին հավաքվել էին վաշինգթոնյան քաղաքական լրագրության, ԱՄՆ իշխանությունների, արտասահմանան դիվանագիտական կորպուսի եւ նույնիսկ շոու բիզնեսի կարեւոր ներկայացուցիչները:
