նախընտրելի դարձնելԵթե այդ տրամաբանությամբ գնանք, ապա նայեք Հայաստանի բյուջեն եւ Ադրբեջանի բյուջեն, նայեք Ադրբեջանի բնակչությունը եւ Հայաստանի բնակչությունը, նայեք Ադրբեջանի արտաքին ռեզերվները, Հայաստանի ռեզերվները, նայեք Ադրբեջանի դաշնակիցների հուսալիությունը, մեր դաշնակիցների հուսալիությունը: Այս մասին իր մամուլի ասուլիսի ժամանակ նշեց ՀՀ վարչապետ Նիկոլ Փաշինյանը՝ անդրադառնալով NEWS.am-ի հարցին, թե 120 հազար բնակչություն ունեցող Արցախը կարո՞ղ է իրավահավասար պայմաններում Ադրբեջանի հետ երկխոսել, այն դեպքում, երբ Ադրբեջանը ցեղասպանություն է ուզում իրականացնել, ցեղասպանը կարո՞ղ է երկխոսության գնալ ցեղասպանվողի հետ:
«Այդ տրամաբանությամբ Հայաստանի ներգրավմամբ էլ չի լուծում այդ դիսբալանսի հարցը: Դրա համար է, որ մենք ուզում ենք՝ միջազգային մեխանիզմներ գործարկվեն: Դրա համար է, որ Լաչինի միջանցքի ապօրինի փակման հետեւանքով առաջացած ճգնաժամը միջազգային հանրության համար տեսանելի դարձնելու ուղիներ ենք փնտրում: Ո՞վ է դիմել Արդարադատության միջազգային դատարան, որը Լաչինի միջանցքի եւ ԼՂ հումանիտար խնդրի առումով կայացրել է շատ կարեւոր որոշում: Եթե Հայաստանը մենակ թողնել Լեռնային Ղարաբաղին, չէր դիմի արդարադատության միջազգային ատյան:
Մենք 2022-ին 186 մլրդ դրամի բյուջետային աջակցություն ենք ցուցաբերել Ղարաբաղին: Այստեղ խնդիրը ամենեւին մենակ թողնել-չթողնելու մասին չէ: Մենք Արցախը «մենակ չթողնելու» եւ Արցախի փոխարեն խոսելու վերնագրի տակ պրոբլեմ ենք ստեղծել եւ Արցախի, եւ Հայաստանի համար»,-ասաց Փաշինյանը:
Նա նաեւ հայտարարեց, որ ժամանակին ԼՂ-ին բանակցային գործընթացից դուրս թողնելով եւ այդ մենաշնորհը վերցնելով մենք մաքուր ներքաղաքական եւ իշխանության հարց ենք լուծել, ոչ մի օգուտ չենք տվել ԼՂ-ին. «Ես չեմ ասի, որ դա երազանքների կոնֆիգուրացիան է, բայց ես համոզված եմ, որ ճիշտ մոտեցումը դա է՝ սպառնալիքները կառավարելու եւ հնարավորություններն օգտագործելու շանս ստանալու համար: Խորագետ լինելու մասին է հարցը, եթե հայտարարություննրով հարցերը լուծվեին, վաղուց լուծված կլինեին: Այլ բան է, թե այդ հայտարարություններն իրականության վրա ինչ ազդեցություն են ունենում»,-ընդգծեց Փաշինյանը:
