ՀՀ մի շարք բարձրաստիճան պաշտոնյաներ այցելել են «Հաղթանակ» զբոսայգի և հարգանքի տուրք մատուցել ինչպես հաղթանակներ կերտած ու անմահացած հայորդիների, այնպես էլ 44-օրյա պատերազմում անձնվիրաբար մարտնչած հայ հերոսների հիշատակին։

Անմար կրակի մոտ ծաղիկներ են խոնարհել ՀՀ նախագահ Վահագն Խաչատուրյանը, ԱԺ նախագահ Ալեն Սիմոնյանը, ԱԳ նախարար Արարատ Միրզոյանը, մի շարք պատգամավորներ և բարձրաստիճան պաշտոնյաներ։

Հիշեցնենք` մայիսի 9-ը հայության համար տարիներ շարունակ եռատոն է եղել` Հայրենական մեծ պատերազմում (1941–1945 թթ) խորհրդային ժողովուրդների տարած հաղթանակի, Արցախի պաշտպանության բանակի ստեղծման և 1992թ-ի Շուշիի ազատագրման օրը: Շուշին, սակայն, կորցրինք 2020–ի նոյեմբերին արցախյան 44–օրյա պատերազմում կրած ցավալի պարտության արդյունքում։