նախընտրելի դարձնելՓետրվարի 6-ի կեսգիշերին մոտ ոստիկանության Տավուշի բաժին հաղորդում էր տվել Այգեպար գյուղի 72-ամյա մի բնակիչ. ժամը 17-ից 17.30-ն ընկած ժամանակահատվածում անհայտ անձը, օգտվելով տանը մարդ չլինելու և բանալին դռան փականի վրա լինելու հանգամանքից, մուտք էր գործել նրա բնակարան և գողացել 300 հազար դրամ:
Ոստիկանությունից NEWS.am-ին հայտնում են, որ ոստիկանության Տավուշի բաժնի ծառայողները ձեռնարկած օպերատիվ-հետախուզական միջոցառումների շնորհիվ պարզել են, որ գողությունը կատարել էր 30-ամյա համագյուղացին. փետրվարի 6-ի ժամը 16.40-ի սահմաններում մտել էր 72-ամյա համագյուղացու տուն և մի ննջասենյակի ներքնակի տակից գողացել 300 հազար դրամ, իսկ մյուս ննջասենյակից՝ 30 հազար դրամ:
Նա ներկայացվել է Տավուշի բաժին, որտեղ խոստովանել է արարքը: Գողոնը հայտնաբերվել է:
30-ամյա կինը և կազմված փաստաթղթերը ներկայացվել են Բերդի քննչական բաժին:
