Վեգանի մարշն առաջին անգամ անց է կացվել Թբիլիսիում հուլիսի 24-ին: «Խիստ բուսակերության» հետեւորդներն ընթանում էին թմբուկների ձայների ներքո. երաժշտական ուղեկցությունն ապահովում էին «DRUMS.GЕ» թմբկահարները, նրանք քարոզում էին հրաժարվել կենդանական ծագմամբ սնունդից եւ իրերից:
«Facebook»-ի օգնությամբ կազմակերպված ակցիայի մասնակիցների շարքում շատ էին երիտասարդներն ու օտարերկրացիները: Վեգաններն ընթանում էին Թբիլիսիի կենտրոնով պարելով, ծիծաղելով եւ անցորդներին առաջարկելով միանալ, ինչպես նաեւ ճաշել ոտքի վրա՝ ընդ որում պետք էր ընտրություն կատարել հում մսի եւ համեղ մրգերի միջեւ, հաղորդում է «Նովոստի Գրուզիա»:
Վեգանները բուսակերներ են, որոնք հանդես են գալիս ընդդեմ կենդանիների շահագործման եւ սննդակարգից կենդանական ծագման սնունդի բացառման կողմից՝ ներառյալ միսը, ձուն, կենդանական կաթը, կաթնամթերքը եւ մեղրը: Նրանք չեն օգտագործում կենդանիների մորթին, կաշին, մետաքս եւ բուրդ, հանդես գալիս ընդդեմ կենդանիների օգտագործման զվարճանքների բնագավառում: Կան նաեւ առանձին ուղղություններ՝ այդ թվում նաեւ հումակերություն: