Այժմյան կյանքում դեպրեսիան ամենուր է: Ուսումնասիրությունների արդյունքում գիտնականները հանգել են այն եզրակացության, որ սննդակարգը փոխելով կարելի է ազատվել դեպրեսիայից: Քաղցր եւ ճարպոտ մթերքները կողմնակի ազդեցություններ են ունենում ոչ միայն մեր մարմնի վրա: Արագ սննդի վաճառքով առաջատար Ամերիկան ֆինասավորում է տարատեսակ հետազոտություններ, որտեղ ուսումնասիրվում է տարբեր սննդանյութերի ազդեցությունը մարդու հոգեկանի վրա: Այսպես, օրինակ, ԱՄՆ-ի պաշտպանության նախարարությունը զինվորականների շրջանում ինքնասպանության փորձերը կանխելու նպատակով հետազոտությա համար խոշոր գումար է հատկացրել, հաղորում է Informing.ru-ն:
Դիքինի համալսարանի աշխատակից Մայքլ Մեյսը, ուսումնասիրելով դեպրեսիայի կենսաբանական պայմանները, եկել է հետեւյալ եզրահանգմանը. «Քաղցկեղով հիվանդ մարդկանց մոտ դեպրեսիան զարգանում է ախտորոշումն իմանալուց դեռ շատ առաջ: Դա կարելի է բացատրել արյան մեջ ցիտոկինի բարձր մակարդակով»:
Քալիֆորնիական համալսարանի աշխատակցուհի Նայոմի Էյզենբերգերը, ցիտոկինների փորձարկման ժամանակ կամավորներին աղիքային ցուպիկի մասնիկներ պարունակող ներարկումներ է արել: Դա թույլ է տվել խթանել իմունային համակարգի աշխատանքը՝ միեւնույն ժամանակ չառաջացնելով թունավորում:
Փորձարկման ընթացքում մասնակիցներն իրենց մոտ դեպրեսիայի բնորոշ ախտանիշներ են նկատել. վատ տրամադրություն, այլոց անտարբերության նկատմամբ զգայունություն, ինչպես նաեւ միայնության զգացողություն:
