Չիլիում հոկտեմբերի 29-ին բժշկական մարիխուանայի առաջին պլանտացիան են մշակել, որը նախատեսված է ուռուցքաբանական հիվանդություններ ունեցողների ցավերի դեմ պայքարի համար, հաղորդում է «ՌԻԱ Նովոստին»:
Կիրառված 850 սերմերը, համաձայն «Associated Press» գործակալության տեղեկությունների, հատուկ Նիդերլանդներից են բերել: Բույսից ստացված յուղը կհատկացնեն 200 հիվանդների, որոնք ընտրվելու են Սանտյագոյի քաղաքային իշխանության կողմից՝ ոչ առեւտրական «Daya Foundation» կազմակերպության հետ համատեղ, որը հովանավորում է ցավացրկող թերապիան:
Պլանտացիայի մակերեսը կազմում է 850 քառ. մետր: Պահպանվող տարածքի նկատմամբ մշտական վերահսկողություն է իրականացվելու, որի շնորհիվ ծրագրվում է բացառել մարիխուանայի չարտոնագրված կիրառումը: