Դեղերի շուկան կշարունակի մնալ ՀՀ վերահսկիչ պալատի տեսադաշտում։ Այս մասին այսօր՝ նոյեմբերի 25-ին, խորհրդարանում լրագրողների հետ զրույցում հայտարարեց Վերահսկիչ պալատի նախագահ Իշխան Զաքարյանը։ Նրա խոսքով՝ հաջորդ տարի մեծ ուշադրություն կդարձվի դեղերի համար նախատեսված պետական տենդերներին՝ հաշվի առնելով դրանք կարեւորությունը պետության համար։
Զաքարյանն ավելացրեց, որ հաջորդ տարի Վերահսկիչ պալատը կշարունակի վերահսկողություն իրականացնել վարկային այն ծրագրերի նկատմամբ, որոնք 2014թ. կավարտվեն կամ կմոտենան ավարտին, եւ, համապատասխանաբար, այդ ծրագրերն իրականացնող պետական մարմինների նկատմամբ։