Երեքշաբթի լույս չորեքշաբթի գիշերը Յուպիտերն ու Վեներան Երկրից իրենց հետեւողների համար այնքան կմոտենան երկնքում, որ գրեթե կդիպչեն միմյանց, որը նրանց կնմանեցնի առասպելական «Բեթղեհեմի աստղին»: Նրանք այդ կերպ կմնան մեկ շաբաթից քիչ ավելի: Այս մասին գրում է Sky&Telescope ամսագիրը:
Այդպիսի երեւույթներ հաճախ են պատահում, սակայն Վեներան եւ Յուպիտերը հազվադեպ են այդքան մոտենում միմյանց:
Աստղագետների հաշվարկներով, նրանց կարող է ընկերակցել Ռեգուլ վառ աստղը, որը, չնայած թվացյալ մոտիկությանը, Երկրից 80 լուսային տարվա հեռավորությամբ է գտնվում:
ՌԻԱ Նովոստիի փոխանցմամբ, այս մոլորակների նման մերձեցումն աստղագետներին հնարավորություն կընձեռի «ընտանեկան լուսանկար» անել: Դրանում հսկա մոլորակն ու «վաղորդյան աստղը» գրեթե նույն մեծության կլինեն, չնայած իրականում Յուպիտերը Վեներայից մեծ է մի քանի անգամ: