ՆԱՍԱ-ն տեսահոլովակ է հրապարակել, որտեղ երևում է թե ինչպես է Արևը փոխվել 13 ամիսների ընթացքում։ Գերժամանակակից սարքավորումների օգնությամբ աստղադիտարանի աշխատակիցները լուսանկարել են Արեգակնային համակարգի աստղը՝ ալիքների 10 տարբեր երկարությունների վրա՝ 12 վայրկյանների պարբերականությամբ։ Անցած տարվա հունվարի մեկից մինչև ընթացիկ տարվա հունվարի 28-ը հավաքված պատկերներից , որոնք արվել են ծայրահեղ ուլտրամանուշակագույն դիապազոնում, աստղադիտարանի աշխատակիցները մոնտաժել են վեցրոպեանոց տեսահոլովակ, որը ցույց է տալիս , թե ինչ փոփոխություններ են կատարվել Արեգակի վրա 13 ամիսների ընթացքում:

Հրապարակված տեսահոլովակի կադրերում երևում է, որ մեր լուսատուի չափերը փոխվում են՝ մեկ փոքրանում են, մեկ էլ՝ հակառակը՝ մեծանում։ ՆԱՍԱ-ի գիտնականները դա բացատրում են այն հանգամանքով, որ Արեգակնային համակարգի աստղի ու արեգակնային դինամիկայի աստղադիտարանի միջև հեռավորությունն անփոփոխ չի մնում տարվա ընթացքում Տեսահոլովակը, որը ստեղծել են աստղադիտարանի աշխատակիցները, հրապարակվել է ամերիկյան գործակալության` Youtube-ի պաշտոնական կայքում։