Սեպտեմբերին մեկնարկում է NASA OSIRIS-Rex առաքելությունը, որի շրջանակում տիեզերական գործակալությունը նախատեսում է աստերոիդի այցելել եւ հուշանվեր բերել: Տիեզերական սարքը կթռչի գրեթե երկու մլրդ կմ դեպի 101955 Բեննու աստերոիդ, քարեր եւ մանրաքար կհավաքի աստերոիդի մակերեւույթից եւ այդ ամենը հետ կտանի Երկիր: Առաքելությունը կսկսվի 2016 թվականի սեպտեմբերի 8-ին եւ կավարտվի մոտավորապես 2023-ին:
Աստերոիդը կազմված է կարբոնատային ապարներից, որոնք կարեւոր տեղեկություններ են պարունակում մեր Արեւային համակարգում կյանքի ծագման վերաբերյալ, հայտնում է Hi-News.ru-ն:
Բեննուի բաղադրիչների անալիզը կարող է ի հայտ բերել ամինաթթուների կամ այլ օրգանական մոլեկուլների առկայություն, որոնք մի քիչ ավելին կպատմեն այն մասին, թե ինչից է Երկրի վրա սկսվել կյանքը:
Տեխնիկապես, OSIRIS-Rex-ը կարբոնատային աստերոիդի վերադարձման առաջին առաքելությունը չի լինի: Ճապոնիան այդ առումով եւս ԱՄՆ-ից առաջ կանցնի «Հայաբուսա-2» առաքելության շնորհիվ, որը կսկսվի 2019 թվականին եւ նմուշը կվերադարձնի 2020-ին: