Պլուտոնի մակերեսի տակ կարող է հսկայական աղի օվկիանոս լինել, որի աղիության մակարդակը կարող է հավասար լինել Մեռյալ ծովի աղի քանակին: Հետազոտություններն իրականացրել են Բրաունի համալսարանի գիտնականները, փոխանցում է Oane-ը:
Ամերիկացի գիտնականները ուսումնասիրել են Պլուտոնի մակերեսը եւ եկել այն եզրակացության, որ մոլորակի սառույցների տակ կարող է օվկիանոս լինել: Գիտնականները մոդելավորել են մոլորակոիդի հետ տիեզերական բախման դինամիկան եւ եկել այն եզրակացության, որ աղի մակարդակն այդ օվկիանոսում կարող է հավասար լինել Մեռյալ ծովում աղի քանակին:
Պլուտոնի վրա օվկիանոսի խորությունը կարող է կազմել 100 կմ, հետազոտությունների ժամանակ օգտագործվել է գրավիտացիոն անոմալիաների մեթոդը, որի միջոցով հնարավոր է եղել գտնել ենթամակերեսային ջրային օբյեկտը: