Թուրքիայի քաղաքացի Յըլմազ Բեշիրի առողջական վիճակը բավարար է եւ նա առաջիկա օրերին դուրս կգրվի հիվանդանոցից: Այս մասին NEWS.am-ի թղթակցին հայտնեցին «Էրեբունի» բժշկական կենտրոնի միկրովիրաբուժության բաժանմունքից, ուր եւ այժմ գտնվում է Թուրքիայի քաղաքացին:
«Նա ոտքի փափուկ հյուսվածքների վնասվածք` սալջարդ է ստացել եւ այժմ բուժման կուրս է անցնում` հակաբիոտիկներ է ընդունում: Ոտքը վիրահատելու կարիք չի եղել»,-հայտնեցին միկրովիրաբուժության բաժանմունքից: Այստեղ նշեցին նաեւ, որ հիվանդը քայլելու հետ կապված խնդիրների չի ունենա:
Նշենք, որ 47-ամյա Յըլմազ Բեշիրը «Էրեբունի» հիվանդանոց էր տեղափոխվել «Սուրմալու» տոնավաճառի դիմաց գտնվող «Գոռվետկայի» հարակից տարածքից: «Վոլվո» մակնիշի 31 AD 308 համարանիշի բեռնատար ավտոմեքենայի անիվը փոխելու ժամանակ ամբարձիչը (դոմկրատ) դուրս էր եկել մեքենայի տակից եւ մեքենան ընկել էր նրա ոտքին:
