Ստամբուլի Քարթալ թաղամասում քաղաքացիների ահազանգի հիման վրա ոստիկանները ձերբակալել են կանացի հագուստով մի տղամարդու, ով ոստիկանատուն տեղափոխվելու ժամանակ հարվածել է ոստիկաններից մեկին եւ փախել։

Թուրքական Haberturk-ի փոխանցմամբ՝ ոստիկանները հետապնդել են գերմանացուն եւ նրան կանգնեցնելու համար կրակել նրա ոտքին։ Հիվանդանոց տեղափոխված գերմանացին, ով ոչ մի բառ չի իմացել թուրքերեն, հայտնել է, թե իրեն Գերմանիայում առեւանգել է մի կրոնական կազմակերպություն եւ տեղափոխել Թուրքիա՝ փակելով մի տան մեջ։ «Ես էլ իմ ձեռքի տակ ընկած կանացի հագուստ հագել եւ փախել եմ այդ տնից։ Օգնեք ինձ»,-ասել է գերմանացին։

Դեպքի հետ կապված հետաքննություն է սկսվել։