Իր միկրոբլոգում ռուսաստանցի հեռուստաաստղ Քսենյա Սոբչակը լուսանկարներ է տեղադրել, որտեղ անկողինը կիսում է եւս երկու հոգու հետ:
Հասարակությունը պարզապես չի հասցնում մտապահել հեռուստաաստղի բոյֆրենդներին. Սոբչակը հեռացել էր Կապկովից, սկսել էր ռոմանտիկ հարաբերություններ Իլյա Յաշինի հետ, հետո հայտնվեց ինչ-որ ամերիկացի ընկեր, ում հետ նա շոփինգ էր անում Մայամիում:
Հիմա արդեն նրա անկողնում եւս մեկ տղամարդ է հայտնվել: Սոբչակը չի մանրամասնել, թե ով է նա` միայն գրելով. «Տղամարդը, ով ինձ արթնացնում է»: Սակայն լուսանկարում միայն դա չէ հետաքրքիրը: Լուսանկարն արել է մի երրորդ անձ եւ ցանկանցողը կարող է իմանալ` ով, քանի որ Քսենյան տեղադրել է նաեւ նրա լուսանկարը: Դա նրա լավագուն ընկերուհին է` դիզայներ Ուլյանա Սերգեենկոն: Մոդելյորը համեստորեն հեռացնում է աչքերը խցիկից եւ ծածկվում է թեթեւ վերնազգեստով: Ի դեպ, Սոբչակը Սերգեենկոյի մասին քնքշորեն գրել է. «Սիրած աղջկա հետ քնելը երջանկություն է», հաղորդում է «Դնի.Ռու»-ն:
Սակայն Քսենյան երկրպագուներին երկար չի տանջել իր նոր բոյֆրենդի անձի առումով: Պարզվել է, դա նրա ոճաբան Ֆրոլն է:
