Medicare սխեմայով գումարներ լվանալու համար ԱՄՆ-ում հինգ տարվա ազատազրկման է դատապարտվել Սահակ Թումանյանը:
Վերջինս իր կնոջ հետ ապօրինի է բնակվել ԱՄՆ-ում, այն դեպքում, երբ նրանց երեխաները ԱՄՆ քաղաքացիներ են:
Ժամկետը կրելուց հետո, նա, ըստ ամենայնի, կվտարվի երկրից: Նա նաեւ պետք է 309 հազար դալարի չափով տուգանք վճարի:
Թումանյանն ու իր կինը դատարանի առջեւ էին կանգնել անցած տարի օգոստոսին: Թումանյանն իրեն մեղավոր էր ճանաչել փողերի լվացման եւ դավադրության մեջ, ինչի արդյունքում կառավարությունը հանել էր նրա կնոջ վրայից մեղադրանքը եւ դատարանին խնդրել ավելի մեղմ վճիռ կայացնել, հաղորդում է Florida Times-Union-ը:
Խարդախությունների Medicare սխեմային նրա մասնակցությունը կայացել է նրանում, որ կեղծ ապահովագրության համար գումարները վերցրել է եւ դրանք փոխանցել մի քանի կեղծ ընկերությունների:
Նշենք, որ 2012 թ. սխեմայի մասնակիցներից մեկը` Արթուր Մանասարյանը դատապարտվել էր 14 տարվա ազատազրման եւ պարտավորվել վճարել 1,8 մլն դոլարի չափով տուգանք: