Ֆրանսիայի նախագահ Ֆրանսուա Օլանդի ընկերուհի Վալերի Տրիերվեյլերի ջանքերի շնորհիվ, նախագահի նախկին կին եւ երկրի նախագահի նախկին թեկնածու Սեգոլեն Ռուայալը, ով հույս ուներ ընտրություններում հաղթելուց հետո գլխավորել Ազգային ժողովը, պարտվել է ընտրություններում: Ռուայալին հաղթել է Օլիվյե Ֆալորնին, ում աջակցել է երկրի նախագահի ընկերուհին:
Ընտրությունների արդյունքում Ֆալորնին ստացել է 58 տոկոս ձայն, իսկ Ռուայալը` 42 տոկոս, հաղորդում է RBK-ն:
Ֆալորնին հեռացվել էր սոցիալիստական կուսակցությունից, քանի որ որոշել չզիջել սոցիալիստների միասնական թեկնածու Սեգոլեն Ռուայալին: Ֆալորնիին չի կանգնեցրել նաեւ այն, որ ի պաշտպանություն Ռուայալի հանդես են եկել երկրի նախագահն ու վարչապետը:
Ավելի վաղ NEWS.am-ը հայտնել էր, որ շատ հեռուստամեկնաբաններ նախագահի ընկերուհի Վալերի Տրիերվեյլերի գործողությունները որպես խանդ են որակել: Սեգոլեն Ռուայալն ավելի վաղ հայտարարել էր, որ եթե Լա Ռոշելի ընտրություններում հաղթի եւ անցնի խորհրդարան, կպայքարի Ազգային ասամբլեայի խոսնակի պաշտոնի համար, իսկ այդ պաշտոնը գրեթե ամենօրյա շփում է ենթադրում նախագահի հետ: