Տարբեր երկրների կառավարություններ ավելի հաճախ են փորձում հեռացնել ցանցից այս կամ այն կոնտենտը: Այդ մասին ասվում է Google ինտերնետ-հսկայի հաշվետվության մեջ: Նշվում է, որ ընկերությունը մտահոգված է տարբեր երկրների կառավարություններից ստացվող հարցումներից: Քաղաքական կոնտենտը հեռացնելու պահանջների աճը ոչ թե ժամանակավոր թռիչք է, այլ լիակատար միտում է դարձել:
Հաշվետվության մեջ ներկայացվում են 2011թ. հունիս-դեկտեմբեր ամիսներին բլոգերում գրառումները, տեսագրություններն ու այլ տեղեկատվություն հանելու պահանջները:
Ամենից ավելի` մոտ 103 տոկոսով աճել են ԱՄՆ կառավարությունից ստացվող պահանջները: Դրա մեծ մասը վերաբերել է օգտվողների անձնական տվյալներին, եւ ընկերությունը հրաժարվել է կատարել դրանք: Աճով երկրորդը Հնդկաստանն է (49 տոկոս), իսկ Բրազիլիան առաջատար է դատարանի վճռով ամրագրված պահանջներով:
Ցանկում չորս նորեկներ են հայտնվել` Բոլիվիան, Հորդանանը, Ուկրաինան եւ Չեխիան:
