«Արտիստը» ֆիլմի աստղ, շնային օսկարի դափնեկիր Ուգգին իր թաթերի հետքերն է թողել Լոս Անջելեսի Փառքի ծառուղում: Նա առաջին շունն է, որն արժանացել է այդ պատվին:
Հանդիսավոր արարողությանն Ուգին ժամանել է հրշեջ մեքենայով` շունն հագած է եղել ոսկե վզկապ:
Նա իր թաթերի հետքերն է թողել ցեմենտում, իսկ հետո թանաքի օգնությամբ իր ստորագրությունն է թողել ֆիլմի DVD եւ Blu-Ray պատճեններին: Լուսանկարիչների առաջ բոլոր դիրքերով նկարվելուց հետո շունն ստացել է տորթ, հայտնում է «polite.ru».-ն:
10-ամյա Ուգիին վարժեցնող Վան Օմար Մյուլերը հիշեցրել է, որ իր հովանավորյալն այլեւս մեծ էկրանին չի հայտնվի, քանի որ նա հոգնել է: Սակայն շունը ներկա կգտնվի տարատեսակ բարեգործական միջոցառումների: