Որքան շատ Սիրիայի հարեւաններ ներգրավվեն հակամարտության լուծմանը, այնքան լավ: Այս մասին, այսօր` հունիսի 26-ին, Մերձավոր Արեւելք կատարած իր այցելության ավարտին հայտարարել է Ռուսաստանի նախագահ Վլադիմիր Պուտինը:
Ինչպես հաղորդում է «ՌԻԱ նովոստին», Պուտինի խոսքով, գրեթե յուրաքանչյուր հարեւան երկրից ինչ-որ բան կախված է, քանի որ նրանք այս կամ այն կերպ ազդում են Սիրիայի ներսի ուժերի վրա: «Արհամարհել այդ հնարավորությունները ապակառուցողական կլիներ եւ կբարդացներ գործընթացը»,-հավելել է նա:
