Ամերիկացի դերասան Էնդի Գրիֆիթը մահացել է 86 տարեկան հասակում եւ նույն օրը` 4,5 ժամ անց հուղարկավորվել:
Դերասանը մահացել էր նախօրեին առավոտյան Ռոանոկ կղզում: Ընտանիքի ցանկության համաձայն, հուղարկավորության վայրը չի հաղորդվում:
Արագությունը, որով տեղի էր ունեցել թաղումը, ապշեցրել է անգամ Հյուսիսային Քարոլինայի թաղման բյուրոների ընկերակցության տնօրեն Լարրի Սթիգալլին. «Դա սովորական չէ, ես նման բան չեմ լսել, թեեւ 32 տարի այս բիզնեսում եմ»,- ասել է նա:
Դերասանի այրին` Սինդին հայտարարել է, թե «Էնդին հանգամանալից պատրաստվել էր մահվան օրվան» իր քրիստոնեական հավատին համապատասխան:
Դերասանն ամերիկյան հանդիսատեսին ծանոթ էր «Էնդի Գրիֆիթի շոուն» եւ «Մեթլոք» սերիալներից: Նա նաեւ «Գրեմմի» մրցանակի էր արժանացել քանթրի ոճով ալբոմի համար:
